غزل فلسطيني فلاحي

غزل فلسطينى فلاحى



كطعيني شكفه شكفه وارميني للجيران

واعملي مني كفته وطعميني للفيران

واسحبي مني دمي واتبرعي فيه للزعران

فكرك انسى حبك وادور بالشارع سكران

لاعمي... هدا الحكي مش هسا.. هدا كان زمان

هسا في امير ومايا متل مافي لينا وعدنان

اي سدكيني بحبك حب كد مافي بجارتنا كمل وسيبان

سدكيني لابنيلك فيلا وبركة سباحة كمان

واجيبلك لبس من اشكال الوان

وسيارة البي ام.. لا عند رامبو منها ولا عند جاكي شان

اي هو بس انت ارجعي وردي على ريان

هالمسكين انفلك وهو ينادي.. فراكك ولا حرام


تعي نرجع مع بعض متل ايام زمان

نرجع نروح بنفس الباص.. انا اكعد

ورا وانت تكعدي كدام

انت توصلي داركم وانا عشان اوصل بدفع بريزة كمان

اي كهرتيني وفكعتي مرارتي ونسيت انه عندي امتحان

اي بلا حب بلا هم كله هبل وجنان

فش بعد المطكع للدنيا.. لا في بنت تحبه ولا تطرشله وجهها دهان


هاد غزل شامي ..

بحبك حب الشباك للبرداية ، بحبك حب الأرنبيط للكوساية ...!


بحبك حب الشلمونة للكولاية .. بحبك حب الطشت للكبجاية..!

بحبك حب الزيت النباتي للمئلاية .. بحبك حب الجرابات للصرماية ..!

لك بحبك حب سلاحف النينجا للبيتزاية ...!!!

يا ريت تكوني شخبرة .. وكون أنا المحاية...

يا ريت تكوني بريات .. وكونأنا البراية...

يا ريت ما تحطيلي زء .. لما كون أنا جاية...!

بحب ضحكتك يللي متل صوت المعزاية ....بحبك حب الدؤونية لللهاية...
بحبك حب المألمة للشنتاية ....

يا ريت تكوني عوجا وكون أنا العرباية..


يا ريت تكوني طربيزة… وكون أنا كنباية ....

يا مدلوئة حياتي وشعيبيات عمري ووربات بئشطة روحي ...

يا أحلى زبدية محلاية...


بحبك حب الريموت للتلفزيون... بحبك حب درفة الباب للمندلون..


بحبك حب بنت اختي الفصعونة لسبيس تون...


بحبك حب أبو السوم للطابة.. بحبك اذا كنتي متنحة أو حبابة..

بحبك حتى لو كان صوتك متل موتور الدبابة..


سمعيني شوي لحتى احكيلك الأصة...


يا ريت تكوني حنفية مي عم تشرشر ... وأنا بعصّا..


نشالله ما يبلا هلطول ... متل عرئ الفصة...


لك يا ريت تكون معي هيكة كمشة بزر وأعطيكي نصا


بحبك حب منير الجبان لكلمة صباح الخير...


بحبك حب جهاد سعد لبرنامج خبرني يا طير...


لك بتسدئي ؟؟


بحبك حب جورج بوش لتوني بلير...شه....


بحبك حب الزلائط للمعؤوود....بحبك حب بيشو لأبو الفوود...

بحبك حب السعادين للقرود...

بحبك اذا كنتي ساكتة أو عم تحاكينا...

بحبك حب ابن اختي الفصعون لبوظة كارينا...بحبك حب البردآن ..للكرمنتينا ...!

[center]

ههههههههههههههههههههههههههههه