يمكن احكيلكم اني بورطة بدايتها نكتة فرفشة يمكن انتقام بس من مين من حدا بيئربلي من (ابن عمي ) للاسف بالبداية كان معي حق لانو كنت بدي يحس انو البنت مخلوق كلو مشاعر واحاسيس وهو من النوع الي بلعب بمشاعر البنات يمكن مو بقصدو بس برضو مو بهالطريقة يعني هو شخصيتو حلوة كتير ولو انو مش ابن عمي كان حبيتو <<<< بمزح مو تسدقو الا انا
المهم انو جد شخصيتو حلوة وهو كمان حلو وبصراحة معهم حق الصبايا يحبوه بس هو ولا مرة قدر مشاعر بنت يعني بخلي البنت تتعلق فيه كتير كتير وبعدين بتركها وبكل بساطة وانا جد مقهورة منو كتير فقررت اعمل فيه نفس الشي ولاني فاهمتو طبعا بقدر عليه <<<< ولاني قوية وجريئة
المهم قررت اعمل ايميل جديد واضيف ابن عمي عليه ضفتو وطبعا قبل الاضافة بسرعة انا كنت اضل فاتحة الايميل دائما لحتى يدخل ونحكي
واول مرة دخل فيها سال اسئلة روتينية وهي كالتالي :
من وين جبتي ايميلي ؟ من وين بتعرفيني ؟ وشو بيضمنلي انت بنت مو شب ؟ لانو صحابو على قولتو بعملو فيو كتير مقالب
المهم وبلا طول سيرة انو جنني لحتى عرفت احكي معو منيح
قلتلو انو بنت اعطتني الايميل وقالتلي ضيفي عندك واحكي معو فانا قال يعني قلتلها انو هاد لبنت ولا لشب قالتلي قصة طويلة <<<طبعا هاد تاليفي بس مشان يحل عني من كتر ما بسال
طبعا انا قلتلو شوف من الاخر انت جننتني وبصراحة انا ندمانة لاني رديت عالبنت وضفتك وعمرينك لا تسدء اني بنت وغبر
هو طبعا اتدايق كتير من اسلوبي <<<<<الي انتو بتعرفو
وبنفس الوقت عجبو الاسلوب لانو اول مرة بنت بتحكي معاه هيك لانو بالعادة البنات عندو بتختخ ههههههههه بمعنى اصح بتخضعلو
بس وييييييييين انا قوية ولو <<<<< شو هالثقة يا عمي ههههههههههه
المهم قاللي شوفي يا بنت الناس من الاخر شو بدك ؟
التلو كنت بدي اتعرف بس بما انك شكاك سوري بعتزر منك عمو بطلت اتعرف <<<<< بالله مو قوية هههههههه
المهم انو بعد فترة صار الي يعني صار بين ايدي <<< بعد فترة طويلة ما بكزب عليكم
المهم وهلا صار يحبني وكتير كمان وعشان اتاكد من الحب انو جد وقع ولا بتخوت عليي متل باقي البنات عملت ايميل تاني بس ياهو وضفتو عليه فاول ما دخل بعد الاضافة الي من الياهو حكيت ودار بيناتنا الحوار الاتي :
انا : هاي مي كيفك حبيبتي
هو : اه بس انا مو مي
انا : عفوا ؟؟؟؟؟؟؟؟؟؟جد مو مي ؟
هو : اها مو مي انت مين ؟
انا : سوري يمكن غلطانة ....... جد سوري
هو : لا عادي ولو خدي راحتك
بعدين اجتني على ايميل الياهو اضافة بنفس الوقت الي كنت احكي معو فيه طبعا من كتر الفضول قبلت الاضافة كان شب قلتلو مين انت ؟
صار يقلي انا فادي <<<<<وللعلم طلع عمي الصغير هههههههه عمرو 26 المهم صار بدو الاخ قصدي عمي بدو يتعرف ههههههههه
قلتلو سوري ما بدي وبالنفس الوقت حكى معي ابن عمي قاللي انا الي عملتلك اضافة عالفيس بوك قلتلو لااااااا طيب انا قلتلك اني غلطانة وسوري ليش تعطي ايميلي لشب تاني قاللي من الاخر مكن نتعرف <<<طبعا انا ولعت مو مشانو لا لانو حسيت انو لسا ما وقع بشبكتي
المهم قلتلو لا طبعا قاللي لا بدنا نتعرف غصب اوك وهلا طيري وطلع من الايميل . بس عمي ما طلع من ايميلو وحكى معي قلتلو هلا شو مين الي ايميلو ................. وكتبتلو الايميل قاللي سوري عالازعاج قلتلو طيب مين بكون هاد ؟ قاللي ابن اخوي قلتلو وشو اسمو ؟ قاللي شو بدك باسمو قلتلو شاكة بحدا ممكن تحكي اسمو ؟ قاللي ازا كتير بهمك اسمو ..........
قلتلو اها طيب هو بحب بنت شي ؟ قاللي اه بحب وحدة قلتلو وبتعرف شو اسمها ؟ قاللي لا والله بس الي بعرفو انها مو من هالبلاد <<<<انا قلتلو اني بالامارات
المهم قلتلو انو البنت بالامارات مو ؟ قاللي اها بتوقع هيك قلتلو يا ريت توصللو هالحكي : قللو بتسلم عليك لولو قاللي مين لولو ؟ قلتلو انت احكيلو هيك وهو بيعرف القصة وهلا انا مضطرة اطلع باي قاللي باي
طبعا وصل لابن عمي الحكي وانا عاساس الي عالايميل الياهو بكون صاحبيتها ل لولو المهم والي اسمها رغد <<<<<على اساس
المهم بعرف فئعت روسكم بالقصة
عملت اني زعلانة منو كتير وما بدي احكي معو وصار يطاوش بعمي لانو حكى قاللي لولو مشان الله والله انا ما دخلني ولو انو انا بدي احكي مع البنت جد كان ما وزعت ايميلها عالشباب فانا ما رديت عليه قلتلو حل عني انساااااااااااااااااااااااااااااااااااااااااااااااااااااااااااااااااااااااااااااااااااااااااااني
وطلعت من الايميل فبنفس الوقت انا كنت فاتحة الايميل التاني صار يقلي يا رغد انا شو دخلني مو انا الي حكيت بدي اتعرف كان عمي فاتح ايميلي وهو الي خبص معك مو انا فانا عاساس رغد قلتلو ما خصني انت ولولو تصطفلو قاللي انت عفكرة وحدة حقيرة وكان يحرام معصب انو انا قلتلو انساني لانو انا اول وحدة بتتركو يعني مو بالعادة ومعو حق ههههههههه
المهم صالحنا عمي وصرت احكي معو متل قبل بس جد جد جننتو
بعرف طولت عليكم بس جد سوري
المهم هو كان اول مرة عشان يسدء اني بنت حكالي بدي احكي معك مايك قلتلو اوك وجبت وحدة من صاحباتي عندي عالبيت وحكت معاه <<<تسكيتة
هلا وقبل يومين طلب نحكي مايك قلتلو لا طبعا وصارت طوشة طويلة عريضة بيناتنا المهم عمل حالو زعلان مني <<<<<<<قال يعني فارقة عندي ههههههههه
المهم فانا بعتلو مسج فوري وهو كالتالي :
هاي كيفك انشالله تمام بدي احكيلك شي وبدي تتاكد انو الحكي الي رح احكيه صعب عليي كتير بس سوري صار لازم احكيه بدي تعرف كتير منيح انو انا جد حبيتك كتير واسفة لاني جد غلبتك معي كتير كتير بس انت بتطلب مني شي انا ما بقدر اعملو انا يا .......... سبق وقلتلك انو بابا اغلى شي عندي بهالدنيا وهو قاللي ما تحكي معو مايك وانا ما بدي ازعلو مني لاي سبب من الاسباب حتى لو كان عحسابي الشخصي وعفكرة انا حابة احكي معك اكتر منك بس جد مو بايدي وما بدي تنسى انو انا حبيتك وفرصة سعيدة ....................باي
واول مبارح ما دخل نت لانو عاساس زعلان مني يعني لسا ما شاف المسج بس مو عارفة كيف ردت فعلو لما يشوفو
شباب انا بدي ادخل على الايميل الياهو واحكيلو:هاي .........كيفك بس بدي اسالك صاير بينك وبين لولو شي لانها ما بترد علينا عالتلفون وما اجت عالمدرسة واختها بتقلنا انو هيه تعبانة كتير فازا صاير بينكم شي طمني امانة لانو جد قلقانين عليها انا والصبايا
وبس ودمتم سالمين
بالله شو رايكم بالقصة مو مسلسل تركي ؟ شباب بس بدي تساعدوني شو بتتوقعو ردت فعلو يعني لو انت الي انبعتلكم هالحكي شو ممكن تساوي ؟
وغير هيك بالله شو رايكم بالي سويتو ؟ يا ريت اشوف ردودكم
مو تطنشو يا عرب هههههههههههههه
تحياتي قوية وجريئة
موضوع: شباب ورطة حدا يساعدني 
الجمعة مارس 05, 2010 9:37 am
المزاج
